Məlumat verdiyimiz kimi AMEA Təcrübə-Sənaye Zavodunun nəznində fəaliyyət göstərən “TSZ – PAV” yuyucu məhsulları istehsalı müəssisəsi “MEH” təsdiqlənmiş ticarət markası altında bir çox məhsulların istehsalını həyata keçirdir. Hal-hazırda 8 adda məhsul istehsalı ilə məşğul olan müəssisə 2 əsas yeni məhsulun istehsalını planlaşdırır.
İstehsalı planlaşdırılan yeni məhsullar məişətdə istifadə əsas olan nəmləndirici əl-üz sabunu və toz şəklində olan paltaryuyan maddədir. Əl-üz sabunu quru formada istehsal olunaraq, müxtəlif qablaşdırılmalarda istehlaka veriləcəkdir. Paltar yumaq üçün lazım olan toz şəkilli maddə isə həm əl ilə yumaq həm də paltaryuyan maşınlarda yumaq üçün olacaqdır.
Hal-hazırda “TSZ – PAV”-da istehsal olunan məhsullar aşağıdakılardır.
- “MEH” maye sabunu
“MEH” maye sabunu məişətdə istifadə üçün nəzərdə tutulmuşdur. 300ml, 500ml, 3 litrlik qablarda istehsal olunan maye sabunları alma, armud və vişnə ətirlidir.
- “MEH” qabyuyan maddəsi
“MEH” qabyuyan maddəsi 500ml, 1l və 5 litrlik olmaqla 2 əsas qabda istehsal olunur. İstifadəsi olduqca rahat və gigiyenik olaraq tam təhlükəsizdir.
- “MEH” şüşə silən maddəsi
Şüşə və parıltılı səthlərin təmizlənməsi üçün istifadə olunur. 2 fərqli rəngdə istehsal olunan məhsul 500 ml-lik qablarda istehsal olunur.
- “MEH” turşu əsaslı təmizləyici
Turşu əsaslı gigiyenik təmizləyici vasitə məişətdə istifadə üçün olduqca əlverişlidir. Pas, kirəç, ərp və digər bu kimi ləkələri təmizləyir və dezinfeksiya edir.
- “MEH” xlor tərkibli təmizləyici
Xlor tərkibli duru ağardıcı məişət şəraitində rahatlıqla istifadə oluna bilən 1litrlik qablarda istehsal olunur.
- “MEH” kəpəkli saç şampunu
kəpəkli saçlar üçün müalicəvi şampunu istənilən saç tiplərində istifadə oluna bilər.
- “MEH” universal təmizləyici
Universal təmizləyicisi unitaz, hamam-kabina, kafel-metlax, su kranları, qaz plitəsi, pas ləkələrini təmizləyir və onlara parıltı verir.
- “MEH” ağardıcı tozu
Ağardıcı toz kirəclənmiş, uzun müddət istifadə olunmayan məişət avadanlıqlarında olan ləkələrin təmizlənməsi üçün istifadə olunur.